སུད་སི་ཀོང་པོའི་རིག་གཞུང་སྐྱིད་སྡུག་ཚོགས་པ་དབུ་བརྙེས་ཏེ་མི་ལོ་ ༣༠ འཁོར་བའི་དུས་ཆེན།
ཕྱི་ལོ་༢༠༢༢ ཟླ་བ་ ༡༡ ཚེས་ ༢༦ ཉིན་ས་གནས་སམ་སྟ་གྷེན་དུ་སུད་སི་ཀོང་པོའི་རིག་གཞུང་སྐྱིད་སྡུག་ཚོགས་པ་དབུ་བརྙེས་ཏེ་མི་ལོ་ ༣༠ འཁོར་བའི་དུས་དྲན་དང་ཀོང་པོའི་ལོ་གསར་སྲུང་རྩིའི་རྟེན་འབྱུང་དགའ་སྟོན་སྐབས་ས་གནས་དབུས་གཙང་ཆོལ་ཁའི་ཚོགས་གཙོ་མཆོག་ནས་མང་ཚོགས་ལ་འཚམས་འདྲི་དང་རྒྱུན་ལས་ཡོངས་ཕྱག་རྟགས་སུ་ ༧ གོང་ས་སྐྱབས་མགོན་ཆེན་པོ་མཆོག་གི་ཐུགས་བསྐྱེད་དམ་བཅའ་བཞིའི་ཞལ་ཐང་ཕུལ་བ་དང་སྦྲག་ཀོང་པོའི་སྐྱིད་སྡུག་ནང་སྔ་ཕྱི་བར་གསུམ་དུ་ས་གནས་དབུས་གཙང་ཆོལ་ཁའི་མང་ཚོགས་ལྷན་འཛོམས་སྐབས་གཞས་སྣ་འཁྲབ་སྟོན་གྱིས་མཚོན་པའི་ལས་དོན་གང་ཅིའི་ཐོག་ཕྱ་གྲུ་མཉམ་འདེགས་ཀྱིས་རྒྱབ་སྐྱོར་གནང་བ་བཅས་ལ་ཐུགས་རྗེ་ཆེ་ཞུས།།
