དབུས་གཙང་ཆོལ་ཁའི་དབུས་སྤྱི་ཁྱབ་རྒྱུན་ལས་འཚམས་གཟིགས་སུད་སིར་ཕེབས།

༄༅། དབུས་གཙང་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཙོ་དང་སྤྱི་འཐུས་ལས་ཐོག་སྐུ་ངོ་ཟླ་བ་ཚེ་རིང་ལགས་དང་དབུས་སྤྱི་ཁྱབ་རྒྱུན་ལས་ཁང་གི་དབུས་རྒྱུན་གུང་པ་པ་སངས་ལགས། དབུས་རྒྱུན་བསྟན་འཛིན་སྒྲོལ་མ་ལགས་བཅས་གསུམ་ཡོ་རོབ་རྒྱལ་ཁབ་གསུམ་ལ་འཚམས་གཟིགས་ཀྱིས་སྤྱི་ལོ་ ༢༠༢༤ ཟླ་ ༡༠ ཚེས་ ༣༠ ཉིན་སུད་སི་འཛུ་རིག་གནམ་ཐང་དུ་ས་གནས་དབུས་གཙང་ཆོལ་ཁའི་ཚོགས་གཙོ་བཀྲ་ཤིས་དོན་གྲུབ་ལགས་ནས་གཙོས་ས་གནས་རྒྱུན་ལས་ལས་ཐོག་དང་ཚོགས་ཟུར། རྒྱུན་ལས་ཟུར་པ་ཁག་གཅིག་བཅས་ནས་ཕེབས་བསུར་བཅར།  

སྤྱི་ལོ་ ༢༠༢༤ ཟླ་ ༡༠ ཚེས་ ༣༡ ཉིན་ས་གནས་དབུས་གཙང་ཆོལ་ཁའི་ཚོགས་གཙོ་དང་སྤྱི་ཟུར་གསང་གླིང་ཚེ་རིང་རྡོ་རྗེ་ལགས་བཅས་ནས་གོ་སྒྲིག་འོག་་ཁོང་གསུམ་རྣམས་རི་དགོན་ཆོས་འཁོར་དགོན་དུ་ཆོས་མཇལ་ལ་ཕེབས།  དེའི་ཞོར་དུ་ས་གནས་དབུས་གཙང་ཆོལ་ཁའི་གཉེར་ཚང་བཅས་ལ་གཟིགས་ཞིབ་གནང།  དེའི་དགོང་མོར་ཁོང་གསུམ་རྣམས་བྷེལ་འཇམ་དུ་ཕེབས་གནང་མཛད།