དཔལ་ལྡན་དབུས་བོད་མིའི་སྒྲིག་འཛུགས་ཀྱི་བདེ་སྲུང་ལས་ཁུངས་ལ་སྣན་ཞུ།
༄༅། །དཔལ་ལྡན་དབུས་བོད་མིའི་སྒྲིག་འཛུགས་བདེ་སྲུང་ལས་ཁུངས་ཀྱི་སྐུ་ངོ་བཀའ་བློ᪄་མཆོག་གི་༧ཞབས་དྲུང་དུ།
གསོལ་འདེབས་སུ།
འདི་ག་སུད་སི་དང་ལིག་ཏེན་སིཊཡན་ས་གནས་དབུས་གཙང་ཆོལ་ཁའི་རྒྱུན་ལས་གཙོས་ཆོལ་ཁོངས་དབུས་གཙང་མི་མང་ཚང་མའི་ལག་གཉིས་ཐེལ་མོ་སྙིང་ཁར་སྦྱར་ཏེ་གསོལ་འདེབས་ཞུ་དོན། ཁ་སྔོན་སྤྱི་ཚོགས་དྲྭ་ལམ་ནང་ཡོངས་ཁྱབ་འགྲོ་མུས་ཡིན་པའི་གང་ཟག་གནས་ཡུལ་ཨོ་སོ་ཊོ་ལི་ཡ། མིང་ཅན་སེང་གེ་ཞེས་པའི་བོད་མི་མིང་ཙམ་ཡིན་པ་ཞིག་གིས་རང་ཅག་བོད་མིའི་བླ་ན་མེད་པའི་དབུ་འཁྲིད་འདི་ཕྱི་གཉིས་ཀྱི་སྐྱབས་གནས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་བསམ་ཡུལ་ལས་འདས་པའི་ཉེས་འཛུགས་དང་མཚན་སྨད་སྐུར་འདེབས་ཚད་ལས་འདས་པ་ཞུས་པ་མ་ཟད། གང་ཉིད་ཀྱི་སྐུ་སྲོག་ལ་ཡང་ཐོ་འཚམ་པའི་འཇིག་སྐུལ་དང་། བཙན་བྱོལ་བོད་མིའི་སྒྲིག་འཛུགས་གཏོར་བཅོམ་དགོས་པའི་ཐན་སྐད་སྒྲོག་པའི་བྱ་སྤྱོད་འདི་ནི། གུས་བཀུར་ཞུ་མཁན་གྱི་འཛམ་གླིང་མི་དམངས་སྤྱི་དང་། ལྷག་པར་དུ་བོད་ཕྱི་ནང་གཉིས་ནང་བཞུགས་པའི་དད་ལྡན་བོད་མི་སྐྱ་སེར་ཡོངས་ཀྱི་སེམས་ཁམས་ནང་སྨ་ཁ་བཟོས་ཡོད་པས་ང་ཚོའི་སྒྲིག་འཛུགས་དང་མི་དམངས་གཉིས་ངོས་ནས་དེའི་རིགས་ངན་པ་རྒྱ་ཡན་དུ་བཏང་མི་རུང་ལ། ལྷག་པར་དུ་དེ་དང་འདྲ་བའི་མཚན་སྨད་ཞུ་མཁན་ཡང་ཇི་སྙེད་ཅིག་ང་ཚོའི་སྤྱི་ཚོགས་ནང་སྔར་བྱུང་ཡོད་ལ་ད་ལྟ་ཡང་ཡོད་མུས་རེད་འདུག་ལགས་ན། འགན་འཁྲིི་འཁུར་དུ་འཁྱེར་དགོས་པའི་དུས་ལ་བབས་པའི་མི་ངན་དེ་རིགས་ཚང་མ་མ་ལུས་པ་བརྩད་ཞིིབ་ཀྱིས་གནས་ཡུལ་ས་གནས་ཀྱི་ཁྲིམས་ལ་ངེས་པར་དུ་བསྐྱལ་ཐབས་གནང་སྐྱོང་ཡོང་བའི་རེ་འབོད་ཞུ་བཞིན་ཡོད།་
དེ་དོན་དགོངས་བཞེས་ཡོང་བ་མཁྱེན། མཁྱེེན།
སུད་སི་དང་ལིག་ཏེན་སིཊཡན་ས་གནས་དབུས་གཙང་ཆོལ་ཁའི་སྐབས་བཅིུས་པའི་རྒྱུན་ལས་ཐུན་མོང་ནས།
ཕྱི་ལོ་ ༢༠༢༤ ཟླ་ ༩ ཚེས་ ༡༩ ཉིན་དགེའོ།
ངོ་བཤུས།
བོད་མིའི་སྒྲིག་འཛུགས་ཀྱི་བཀའ་ཤག
བོད་མི་མང་སྤྱི་འཐུས་ལྷན་ཚོགས།
སུད་སི་སྐུ་ཚབ་དོན་གཅོད།